مجرد رأي بس

السلام عليكم ورحمة الله وبركاته

والله من خلال متابعتي لمنتدى كساد نالوت حبيت نشكر كل الاعضاء اللي ايساهموا فى نجاحه وتنشيطه

بارك الله فيهم .. ومن خلال متابعتي الخاصه بالقسم هادا بذات فيه عضو تاني يستحق الشكر

بصراحه بشكل خاص لانه يكشف فى الحقائق المدسوسه فى بلادنا الغاليه ماشاء الله ماشاء الله

نبي نعرف مني انت يــــــــــــــــا maag مني تكون انت باش تتعرض لنالوت وناسها بطريقة هادي في رأيك

لما تجي تكتب فى كلام( الله اعلم) صح ولا خطأ على حسب مصادرك الموثوقه ( الله اعلم ) انك تساهم فى

الرفع من شأن نالوت .. لالا معليشي صحح معلوماتك انت هكي بكلامك شوهتها كرهت الناس فيها والمشكله

متأكده انه كلامك مش مزبوط ممكن ايكون فيه شويه من الصح والباقي كله بهارات زايده .. مني انت باش اتجي

تحاسب الدكاتره فى المستشفى وتقول صفتهم ونعتهم ويديروا ومايديروش .. سامحني حتى عمرك قاعد مراهق

19 سنه تجي تتكلم على ناس كبيره وخبره يوصلو عمرهم ل 60 سنه ... اللي يقرا كلامك مواضيعك ايحس

انه مافيش حد يفهم الا انت .. حاجه مصارتش .. بعدين انت تقول فى كلام يعتبر من ناحيه وحده وتسأل وتبي

إجابات والاجابات اللي تستنى فيها هيا كلها صح والله عندك الحق مايتحشموش و و و ... الخ

يا اخ maag الانتقاد هادا فن مش اي حد يتقنه ..

انى باش نحكم على كلامك حق لازم نسمع من الطرفين زي ما انت قلت واتهمت ومن بعيد وبدون ماتعرف

الظروف من حقه الطرف التاني ايوضح مرات ايكون اللي ايدير فيه هو عين العقل .. الله اعلم

فيعني متزعلش من كلامي بس ياريت تنتبه قبل ماتبدا فى الكلام والانتقاد بالشكل هادا راهو فيه ناس برانيه يقروا

فى المواضيع .. حرام انهم ياخدو فكره علينا بالطريقه هادي

السلام عليكم