سؤال بالله عليكم الاجابة الى من يعرف

ازول:

خير يا ايتمى متى الحال, ان شاء الله لاباس

كثيرا ما اسمع عن عصابة القط الاسود في نالوت وعن اعمالهم البطولية وبعض الاعمال الشريرة , لكن اريد ان اعرف من هم؟ وهل هي عصابة او تنظيم (متفهمونيش غلط وفكونا من السياسة) لصالح نالوت ام ضدها؟ هل اعضائها كثر؟ هل صحيح انهم تربطهم الوطنية؟
وشن قصة الردافة والنقات الي ايديرو فيها ؟ هل هي بهدف سامي ام مجرد تعبئة وقت فراغ؟ هل فعلا نفعو نالوت؟
ولماذا لهم اعداء ؟
\بالله عليكم من غير ذكر اسماء
والمضوع مفيش خوف مش اتقولو الغراب معكوك ويجبد في التابثات , لا والله وانا اسف كان الموضوع ازعج احد الاخوة

سلام من خوكم الغراب

ازول:


كلامك سليم و100% خوي بس انا لما اطرحت الموضوع اطحته بشكل طريف ,وللعلم لمى انقول عصابة والكل عارف من هم وللعلم اعرف البعض منهم معرفة شخصية,مش ناوي على خراب بيتهم او متهجم عليهم بالعكس, وبصراحة خوي سامحني انت من ردك الموضوع اعتيطه ابعاد تانية ومتنساش انه احنا قاعدين في مجتمع اساسه الديمقراطية والحرية ومفيش فيه فسادولو لفترة بسيطة كان فيه نوع من التبلى على الناس او اي شيء من اشكال الجهل ,

وليش حاجه لاسمنس القط الاسود نشن نسكن دى نالوت نسلوش حاجه امينتو سه اد يستر الله
سلام

سلام عليكم اخواني الموضع ومافيه كيف مقال خونا اوسف
مجموعة من الشباب حاولوا اصلاح بعض الظواهر في نالوت بطريقتهم الخاصة
لا اكتر و لا اقل و كل واحد يتحمل مسؤلية نفسه و نالوت متتقيمش بيهم و لا بغيرهم

ازول:

يا شباب القصة وما فيها انه اسمعت على مجموعة الشباب هذو وفعلا زي ماسمعت انهم ناس كويسة وهمهم البلاد ولو انه في بعض الحالات يعالجو المواضيع بشدة ومنبوش انقولو بردافة بش ما يزعل حد والي صاير انه على ما اعتقد انه منتدى كساد والواحد اهو قاعد يهدرز ويبي يعرف على البلاد, وللعلم ياشباب والله ما في حد طاق فيهم لا بخير ولا بشر واهو زي ما قلت مجرد سؤال اطرحته للنقاش مش للجدال او العراك ولو الموضوع ايسبب حساسية بين الاعضاء الافضل من مشرف المنتدى انه يلغيه.


سلام

الغراب كتب:ازول:

يا شباب القصة وما فيها انه اسمعت على مجموعة الشباب هذو وفعلا زي ماسمعت انهم ناس كويسة وهمهم البلاد ولو انه في بعض الحالات يعالجو المواضيع بشدة ومنبوش انقولو بردافة بش ما يزعل حد والي صاير انه على ما اعتقد انه منتدى كساد والواحد اهو قاعد يهدرز ويبي يعرف على البلاد, وللعلم ياشباب والله ما في حد طاق فيهم لا بخير ولا بشر واهو زي ما قلت مجرد سؤال اطرحته للنقاش مش للجدال او العراك ولو الموضوع ايسبب حساسية بين الاعضاء الافضل من مشرف المنتدى انه يلغيه.


سلام

ازوول
اما بعد
نعم والله حتا احني نسمعوا بيها الدوة اهيا
وبعدين راه مش كل شيء يا شباب يجي والردافة والقوة والعنف
يعني متلا الجماعه قالوا هما مجموعة من الشباب الغيورين علي بلادهم ؟؟؟؟
وشني احني مش غيورين ولا كيف وال احني امريكان ولا اانجليز ولا عايشين في نالوت علا اساس توريست وميهمنا فيها شيء؟
القصة وما فيها فيه لقطات داروهم انقولوا معقول يعني بتوقف ويتشمت في نالوت مااااشيء
وفيه انه شباب جايين يقروا وكلوا شلابييييخ وروحوا واكيد كرهوا نالوت جدا عن اب في جرت الناس اهيا
واكيد فيه طلبه مينفعوش بس فيه ناس كويسة
بالنسبة ليا اني نقدر انقول انه الواحد يرفع راس نالوت فوق بالعلم والاسلوب الحضاري والنتقاش الهداف
مش يرفع راس نالوت وسامحوني علي اللفظ اهوا (بالسكير والنكير والسب والاسلوب الشوارعي
مش بالردافة وركب معاك اربع انفار وكل واحد معاه موووووراااااري واول واحد تلقاه لاباس نظارات اعطيله طريحة
طبعا الكلام اهوا كله صار
ونقدروا نقولوا توا نقصت شوية مش زي قبل
وساااااااااااااامحوني كان كترت عليبكم
ومنور يالغراب عالموضوع
تشاااو